Midt i solhellinga med utsyn over eventyrlege Gudbrandsdalen kan du nyte eit betre måltid, gå på konsert med framifrå artistar, eller invitere til private møte og selskap.
I århundrer har vi dyrka korn på Rudi, og dei siste tjue åra har vi og satsa på å dyrke gode opplevingar.
Dyrkar gode opplevingar
Kommande arrangement
I over 25 år har vi arrangert konsertar og forestillinger, og meir enn 500 arrangement med billettsal er gjennomført. Og med arrangement for bedrifter, bryllup og feiringer av mange slag blir talet mykje meir enn dobla. Vi håpar samvær og kortreiste lykkestunder har gjort godt!
Når mange av våre beste artistar kjem til gards, er også intensjonen vår å bidra til å gjera bygda og dalen litt meir attraktiv og levande.
Velkome til nye opplevingar i Rudilåven i 2025!
«Det er sommarkveld, og varmt og godt i været. Marka er grøn og mange vil ut og treffes. Latteren sit laust. På grillen surrar godsaker frå Anni’s og Dølakjøtt. Grjotheimen frå Lom Bryggeri fortel om malt og humle. Praten og musikken går i tunet, og lokale stjerner og landskjende artistar leverer perler frå scena på Rudi Gard.»
Omtrent slik går det an å glede seg til sommaren som kjem! Og aldri før har det kjentes meir meiningsfullt å invitere til fellesskap og samvær. Når mange av våre beste artistar kjem til gards i løpet av sommaren og hausten, er også intensjonen vår å bidra til å gjera bygda og dalen litt meir attraktiv og levande. Og i det grøne skiftet er det god latin å tilby kortreiste kulturopplevingar av beste merke i ein levande dal.
Velkome til nye gode opplevingar på Rudi Gard!
Helsing Nina og Øystein Rudi
Gi bort ei god oppleving!
Den perfekte gåva til den som har alt! Gåvekortet kan nyttast i samband med konsert og matopplevingar på Rudi Gard.
Programmet for kommande arrangement blir fortløpande publisert på nettsida. Er du nyfiken på kven som har besøkt oss tidlegare finn du det i oversikten her.
Gåvekortet kan du enkelt kjøpe under, og det kjem tilsendt på e-post på minuttet.
Gjensyn med KORK og Kim sin julekonsert frå Rudi Gard
I 2023 la heile landet sitt Kringkastingsorkester julekonserten sin til Rudi Gard.
Hovudartist i lag med KORK var Kim Rysstad. Gjennom solid innsats i NRKs Stjernekamp song han seg inn i den norske folkesjela, og Kim hadde med seg sin faste gitarist Trym Bjønnes og fleire fine gjester. Dei unge si stemme vart bore fram av dei syngjande og felespelande tvillingane Hanne og Synne Kjøk og folkesangeren Martin Steinum Brun, alle frå Gudbrandsdalen. Den prisbelønte sørsamiske joikaren og songaren Marja Mortensson frå Svahken Sïjte i Engerdal gjesta også scena, og dirigent for det heile er Karl Johan Ankarblom.
Velkome til ei storhending i Rudilåven!
Selskap og festlege lag
Mange bedrifter og vennegjenger kjem til felles opplevingar på Rudi Gard. Vi kan rigge Rudilåven for festleg lag, kurs eller møter, og kjøkensjef Wenche Kvebu byr på matopplevingar i særprega lokaler. Morosame og inkluderande konkurranser i landskapet omkring garden kan krydre opplevinga, og gode samarbeidsbedrifter byr på overnatting i nabolaget.
Aktivitetar og servering for grupper før forestilling i Rudilåven er eit populært tilbod. Grupper kan også reservere garden for eigne arrangement. Ta gjerne kontakt, så lager vi eit forslag!
Overnatting
Kva med ei natt eller tre i tømmerstabbur med alle fasilitetar? Eller kva med eit romantisk setertun eller eit historisk eldhus?
Vi har senger til utleige både på garden og på Rudisetra. På garden bor du midt i det Gudbrandsdalske kulturlandskapet, med åkrar, beiter, og stiar på kryss og tvers. Og med kort avstad om du skal på konsert eller middag i Rudilåven. Setra ligg idyllisk mellom Gålåvatnet og Valsvatnet, med dyr på beite og morgodukkert i Valsvatnet som ein frisk start på dagen.
Vi har også gode samarbeidspartnarar i rimeleg gå og køyreavstand med unike overnattingstilbod.
Besøk oss:
Rudivegen 40,
2647 Sør-Fron
Vi er tre generasjonar som bur på Rudi, og saman med trivlege medhjelparar likar vi å få gjester til gards. Visjonen er å bidra til at Gudbrandsdalen blir betre og meir interessant for oss som bur her, for hyttefolk og tilreisande. Les meir om oss
