BAKSIA

Baksia har vore fast på Rudi i august i over 20 år. No tek nye solistar plassen til nestor Trond Halle, men bandet, låtane og den legendariske stemninga – det er den same!

Fem modige menn

Det er akkurat det dei er, unge, ivrige og modige, og herleg fornyande med sine versjonar som glir sømlaust inn i ein god tradisjon. Ta vel imot unggutane frå Kvam – det er dei verdt! Med stor respekt for låtane tek Eskil Meldal og resten av bandet dølarocken vidare til ein ny generasjon.

Arild Skar

Arild Skar – meir aktiv enn nokon gong, med publikum fråd ei yngste til dei godt vaksne. Han har vore ein del av musikkmiljøet i Gudbrandsdalen lenge og er ein av pionerane i dølarockmiljøet. Han har opptredd både som trubadur og med band i mange år, og produserer stadig nye songar på fronsdialekt. Han kjem for å synge sine særeigne tekster om tida som var, gjerne i møte med den verda vi lever i dag. Draumane til Urban døl, og klassikaren Horten Hus blir framført i ny versjon. Låter så som Slepp me te og Ongkar frå Lesja har for vane å få allsangen til å ljome i veggane.

På scena:

Velkomé til feiring av dølarocken på Rudi!