Praktisk informasjon:

Dato:

27.07

Pris:

490,-

Konsertstart:

21.00

Ope gard:

15.00

Om Odd Nordstoga

Få maktar å skildre poesien i kvardagen slik som Odd Nordstoga, utan at det blir klisjefylt eller svulstig. Han syng om skogen, om hausten. Om å lengte attende til sommaren. Om dagane som kom og gjekk. Han får oss til å danse, sjølv om vi ikkje kan det, og til å synge med av full hals om denne grisen som står og hyler.

Det er aldri nokon tvil om at denne mannen lev for å spele for publikum, og det er jammen ikkje rart at publikum over heile landet har trykka han til brystet, både i høgtid og på fest. Og med seg på vegen har han alltid det ypperste stjernelaget av musikarar her til lands. Ein konsert med Odd Nordstoga føles rett og slett som ei vitamininnsprøyting, anten det er aleine, med fullt band, med andre musikalske gjestar, eller med strykeorkester.

Odd er ein slags nasjonalleverandør av kvalitetsmusikk, og i haust er han klar med eit splitter nytt album med tittelen «Inn i skogen». Så ber det ut på sleppturne med det glimrande bandet sitt, med både gamle og nye hits i skreppa.