Praktisk informasjon:

Dato:

11.05

Pris:

100,- / 190,-

Foredrag:

19.00

Ope gard:

18.00

Bygder har skifta ham og distrikta har gjort opprør. Skjønar du ikkje heilt kvifor, er Reidar Almås den rette å lytte til. I denne boka går han attende til moderniseringa av Bygde-Norge og tar oss med sjumilssteg gjennom 1900-talet fram til dagens bygdesamfunn, som kan vera ei gåte for mange. Almås nøyer seg ikkje berre med å beskrive og forklare, men gir også råd om korleis bygdefolk kan skape si eiga framtid, under omstende dei sjølve ikkje har vald. Derfor er det viktig å forstå både fortida og notida for å forme framtida.

Frå sin ståstad med ein fot i praktisk arbeid på bygda der han har budd og ein fot som professor og institusjonsbyggar på universitetet, tar Almås deg med gjennom eit landskap som er sterkt forandra, men til å kjenne att.

I kjølvatnet av dei mange distriktsopprøra og bondeopprøret, har bygdene og distriktspolitikken kome høgt på den politiske dagsorden att. For å skjøne kva som skjer, må vi skaffe oss oversikt over dei lange linjene i forholdet mellom bygd og by i Norge. Dei overordna spørsmåla vil vera: Kva har skjedd med bygdene våre, kvifor har det skjedd og kva kan gjerast for å bevare bygdenes eigenart og oppretthalde busettingsmønstret. Dette er ei bok som ingen andre kunne ha skreve om det som har skjedd, det som skjer og det som kan og bør skje i Bygde-Norge